घरकूलासाठी पायपीट
दिव्याअंग कुटुंबप्रमुखाची आर्त हाक------
मदतीसाठी जिल्हा परिषद सदस्य यांचा पुढाकार
------------------
कुणी घर देता का घर अशी आर्त हाक दोन्ही डोळ्यांनी अपंग असलेल्या विनायक नवरंगे या व्यक्तींनी केली आहे.दरम्यान जि प सदस्य अभिजित बोके यांनी नवरंगे यांच्या घराची स्थिती लक्षात घेऊन घर बांधणी साठी साहित्य उपलब्ध करून देण्यासाठी पुढाकार घेतला आहे
तिवसा तालुक्यातील करजगाव येथील विनायक नवरंगे पत्नी दुर्गा मुलगी चैताली मुलगा मयूर यासह पडक्या फुडक्या घरा मध्ये वास्तव्यात आहे विनायक अपंग असल्याने कुटुंबाची सर्वस्व जबाबदारी पत्नी दुर्गावर आहे. दुर्गा मोलमजुरीचे कामे करून कुटुंबाचा गाडा कसातरी पुढे रेटत आहे.अठराविश्वे दारिद्र्यात खितपत पडलेल्या कुटुंबा चा उदरनिर्वाह करणे कठीण आहे तेथे घराची उभारणी कशी करावी असा प्रश्न दुर्गांनी केला आहे.
दारिद्र्यरेषेखालील कुटुंबांना घरबांधणीसाठी पूर्वी इंदिरा आवास योजना आणि आता प्रधानमत्री आवास योजना अस्तित्वात आहे या योजनेअंतर्गत घरकुल मिळेल अशी अपेक्षा या कुटुंबांना होती मात्र जाचक अटीमुळे सदर कुटुंब घरकुल पासून वंचित आहे सदर योजनेअंतर्गत अपंग व्यक्तीच्या कुटुंबांना ३ प्रतिशत घरकुलांचे वाटप करणे बंधनकारक असताना सुद्धा हे कुटुंबाना अद्यापही घरकुल प्राप्त झाले नाही. 2002 च्या दारिद्र्य रेषेच्या तआधारावर घरकुलासाठी प्रतिक्षा यादी संपुष्टात येऊन २०११ च्या सामाजिक आर्थिक जातीच्या आधारावरील घरकुलाचे वाटप केल्या जाते. 2011चे सर्वेक्षणानुसार घरकुल वाटपासाठी अ ब क ड अशी यादी तयार करण्यात आली आहे. विनायक चे कुटुंब ड यादीत समाविष्ट असल्याने सध्यातरी निकषाप्रमाणे या कुटुंबाना घरकुल देणे शक्य नसल्याचे जिल्हा ग्रामीण विकास यंत्रणा आणि संबंधित विभागाचे कर्मचारी/अधिकारी वर्गाकडून सांगितले जाते.सर्वांसाठी घर या शासनाचे धोरणानुसार आम्हाला हक्काचे घर कधी मिळणार असा प्रश्न विनायक नवरंगे यांनी केला आहे.
दरम्यान विनायक च्या कुटुंबाला घराची अत्यंत आवश्यकता लक्षात घेऊन अमरावती जिल्हा परिषदेचे सदस्य अभिजित दादा बोके यांनी नवरंगे यांच्या कुटुंबाला भेट देऊन व्यथा जाणून घेतली. शासनाच्या निकषानुसार सद्या घरकुल देणे शक्य नसले तरी जिल्हा परिषद समाजकल्याण विभागाचा काही निधी तसेच युवक काँग्रेस कडून निधी गोळा करून घर बांधण्यासाठी साहाय्य करणार असल्याचे तसेच शासनाकडून घरकुल मिळवून देण्यासाठी/ मिळण्यासाठी प्रयत्न करणार असल्याचे बोके यांनी सांगितले
तीर्थक्षेत्र पंचधारा ( श्रीक्षेत्र शेंदूरजना बाजार) -प्रा.डॉ. नरेश इंगळे- शेंदूरजना बाजार शिवारातील सुर्यगंगा नदीवर पंचधारा हे ऐतिहासिक तीर्थक्षेत्र आहे. मोझरी,तळेगाव ठाकूर,शेंदूरजना बाजार, अनकवाडी, रघुनाथपूर या पाच गावाच्या सीमेवर हे तीर्थक्षेत्र आहे. शिंदीपांडी म्हणून ओळख असलेल्या या ठिकाणी हनुमान मंदिर सुद्धा आढळून आले आहेत त्यामुळे हे गाव उजाड गाव असल्याचा अनेकांचा कयास आहे. शेंदूरजना बाजार पासून अवघ्या दोन किलोमीटर अंतरावरील सूर्यगंगा नदीवरील उत्तर वाहिनीच्या ठिकाणी हे तीर्थक्षेत्र आहे.उत्तर वाहिनीच्या ठिकाणी असलेले मंदिर हे बहुदा शिवालय असतात असा पुरातन धर्मग्रंथात उल्लेख आहे.१९४५ पर्यंत हे तीर्थक्षेत्र हे विस्कळीत असे होते श्री संत अच्युत महाराज यांचे शेंदूरजना बाजार या गावी आगमन आणि वास्तव्या दरम्यान महाराज वन परिक्रमा करीत असताना त्यांना हे भग्नावस्थेतील शिवालय दृष्टीत पडले.श्रीसंत अच्युत महाराजांनी आजूबाजूला आणि परिसरात शोध घेतला असता त्यांना अनेक भगनावस्थेतील शिवपिंडी सोबत देवीची मूर्ती सुद्धा दृष्टीत पडली. तसेच विखुरलेल्या १२ पिंडीही त...
Comments
Post a Comment